Broyta felagið
Skal felagið broyta nevnd, stjórn ella grannskoðara, viðtøkur - herímillum navn, heimstað, endamál, tekningarreglur - umframt onnur viðurskifti sum eru skrásett um felagið, skal fráboðan sendast inn.
Allar broytingar í skrásettu viðurskiftunum hjá feløgum skulu fráboðast Skráseting Føroya á einum fráboðanarblað, ið fæst á heimasíðuni. Saman við fráboðanini skal fylgja eitt avrit av aðalfundinum og/ella nevndarfundinum, har broytingin verður samtykt. Um persónar, sum búgva uttanfyri Føroyar, koma uppí felagið skal avrit av samleikaprógvi sendast við.
Um viðtøkurnar verða broyttar, skal dagfest avrit av nýggju viðtøkunum fylgja við.
Fyri fráboðan av broytingum í felagnum skal latast eitt gjald á 1000, - kr. til Skrásetingina.
Um partapeningurin í feløgum skal hækkast, skal eitt gjald uppá 4 ‰ av hækkingini haraftrat gjaldast saman við fráboðanini til Skrásetingina. Sí nevndu kunngerð um gjøld.
Allar skrásetingar í Skráseting Føroya, skulu almannakunngerðast, tí verða allar skrásetingar lýstar á heimasíðuni hjá Skráseting.
Skriva í teigarnar í fráboðanarskjalinum, her á telduskíggjanum, áðrenn tað verður sent Skráseting Føroya.
Um eitt ÍVF skal umskapast til Sp/f kann vegleiðing um hetta lesast í pkt. 17 í Longri frágreiðing um íverksetarafeløg (ÍVF)
Mælt verður til at lesa vegleiðingina neyvt, áðrenn skjalið til broytingar verður skrivað.
Vegleiðing til skrásett feløg
Dømi um viðtøkur partafelag
Dømi um viðtøkur smápartafelag